Строга забрана за употреба на вештачка интелигенција за учениците во основните училишта стапува на сила во Норвешка.
Норвешката управа за образование донесе драстични препораки со цел дигиталните алатки целосно да се исклучат од секојдневната настава.
Властите решија да воведат ригорозни ограничувања за паметните уреди со цел да се врати рамнотежата помеѓу дигиталниот свет и традиционалното учење.
Училиштата добија јасно и децидно упатство веднаш да ги блокираат сите платформи за вештачка интелигенција на уредите што ги користат децата.
Локалните образовни власти нагласија дека дигиталниот пристап во основните училишта мора строго да се контролира за да се заштити правилниот развој на учениците.
Крајниот збор и овластувањето за евентуални исклучоци од ова правило ќе го имаат исклучиво училишните директори.
Технологијата ќе може да се користи само доколку наставникот писмено докаже дека нејзиното користење е неопходно за конкретна педагошка цел.
Новите мерки пристигнуваат по барање на Министерството за образование со цел да го вратат фокусот на физичките учебници и на директната интеракција во училницата.