67-годишен жител на ресенско Грнчари бил пронајден починат покрај превртен трактор на земјен пат во атарот на селото.
Како што информираа од СВР Битола, случајот во ОВР Ресен бил пријавен завчера околу 21:25 часот.
На местото бил пронајден 67-годишниот Ф.К. од село Грнчари, кој лежел покрај превртениот трактор.
Лекар констатирал смрт на лицето, а по наредба на јавен обвинител телото било предадено на обдукција со цел да се утврдат точните причини за смртта.
Увид на местото на настанот извршила увидна екипа на СВР Битола.