Најпознатиот јутјубер во светот, MrBeast, стана првиот креатор на содржини во историјата што надмина 500 милиони претплатници на својот YouTube канал.
Веста ја објави извршниот директор на YouTube, Нил Мохан, кој на социјалните мрежи му честиташе на MrBeast за овој рекорден успех, истакнувајќи дека тоа е историски момент за дигиталната индустрија и креаторите на содржини низ целиот свет.
„Ова достигнување покажува што е можно кога креаторот има слобода да ја следи својата креативност и да остане автентичен. Џими е неверојатен иноватор и ние сме горди што сме дел од неговото патување“, рече Мохан
MrBeast, чие вистинско име е Џими Доналдсон, доминираше на YouTube сцената во последните години со спектакуларни предизвици, хуманитарни проекти и видеа преполни со продукција кои редовно привлекуваат десетици милиони прегледи.
Бројката од 500 милиони претплатници претставува нов рекорд на платформата и дополнително го потврдува статусот на MrBeast како највлијателен индивидуален креатор на содржини во светот. Неговиот успех се смета за еден од најголемите во историјата на дигиталните медиуми и социјалните мрежи.