Времето во земјава денеска ќе биде сончево и топло со појава на мала до умерена локална облачност.
Според синоптичарите, во текот на денот ќе дува слаб до умерен ветер.
Во западните делови ветерот ќе биде од западен правец и наместа повремено ќе засилува.
Долж Повардарието и во источните делови од земјата се очекува ветер од југоисточен правец.
Минималната температура ќе се движи во интервал од 7 до 16 степени, додека максималната ќе достигне од 27 до 34 степени.
Во Скопје денеска ќе преовладува сончево и топло време со мала облачност.
Во главниот град ќе дува слаб до умерен ветер, претежно од југоисточен правец.
Минималната температура во Скопје ќе се спушти до 13 степени, а максималната ќе достигне до 34 степени.
Во текот на новата седмица ќе преовладува топло време, но со најава за локална нестабилност.
Во вторник се очекува локален развој на нестабилна облачност, додека во среда на повеќе места ќе биде нестабилно со пороен дожд, грмежи и засилен ветер.
Од четврток повторно ќе преовладува сончево време со променлива облачност во текот на денот.