Управата за хидрометеоролошки работи (УХМР) го објави најновиот извештај за температурите измерени во 11:00 часот низ земјава. Податоците јасно најавуваат дека не очекува екстремно топол ден, бидејќи во најтоплите градови температурата веќе се приближи до 30-тиот степен.
Југот на Македонија и Повардарието традиционално се најжешки во овој дел од денот.
Највисоки температури измерени во 11:00 часот:
- Гевгелија – 29,6°C
- Демир Капија – 29,5°C
- Велес – 28,4°C
- Кавадарци – 28,4°C
- Струмица – 28,1°C
Во главниот град Скопје исто така е доста спарно. На мерната станица Скопје-Петровец во 11 часот се измерени 27,6°C, додека на Зајчев Рид се регистрирани 26,9°C. Во Охрид е нешто попријатно со измерени 22,7°C.
Спас од претпладневните горештини има само на планинските центри. На Попова Шапка во 11 часот се измерени свежи 16,9°C, во Лазарополе 18,3°C, а во Крушево 20,1°C. На мерната станица во Тополчани не се регистрирани утрински податоци.