Најмалку девет лица беа брутално убиени, а уште 10 се тешко повредени во масовна пукотница што ја потресе областа Бекерсдал во западниот дел на Јоханесбург.
Трагедијата се случила во текот на ноќта во локалниот паб „КваНоксоло“, а веста ја пренесе националниот сервис „SABC News“.
Очевидци пренесуваат дека нападот бил целосно ненадеен и без никаков повод.
„Според извештаите, непознати вооружени лица отвориле оган на случаен избор врз гостите кои се наоѓале внатре во пабот, како и врз луѓето кои биле собрани надвор од објектот.“
Иако полицијата првично соопшти дека бројката на жртви е 10, подоцна официјално беше потврдено дека девет лица го загубиле животот, додека повредените итно се транспортирани во блиските болници.
На терен во моментов се наоѓаат огромен број елитни полициски и разузнавачки тимови кои работат под силно обезбедување.
„Сè уште земаме изјави. На терен се нашиот национален и провинциски тим за управување со местото на злосторството, тимот од локалниот центар за евиденција на криминал, како и тимовите за истрага на сериозни кривични дела и криминалното разузнавање“, изјави Фред Кекана, вршител на должноста комесар на полицијата во провинцијата Гаутенг.