Нов смртоносен инцидент го потресе московскиот регион, откако едно лице загина во експлозија на автомобил што се случи рано утринава во елитната воена населба Авијаторов.
Според информациите на рускиот Истражен комитет, детонацијата се случила околу 5:30 часот по локално време, додека возилото се движело по улицата Колдунова, во непосредна близина на голем станбен комплекс.
Властите сè уште одбиваат официјално да го соопштат идентитетот на жртвата, што дополнително ги подгреа шпекулациите во руските медиуми.
„Дел од руските медиуми наведуваат дека станува збор за 62-годишен маж, додека некои неофицијални извори шпекулираат дека жртвата можеби е висок офицер во руската армија. Засега нема официјална потврда за таквите тврдења.“
Истрагата веќе утврди дека се работи за класичен атентат со прецизно поставена експлозивна направа под седиштето на возачот.
„Од силината на детонацијата, мажот се здобил со смртоносни повреди и починал на местото на настанот. Областа Авијаторов е позната како населба во која живеат припадници на руските вооружени сили, воени пензионери и нивните семејства.“
Локацијата на нападот предизвикува сериозна загриженост кај руските безбедносни служби поради сличен инцидент во минатото.
„Експлозијата се случила на помалку од еден километар од локацијата каде во април минатата година беше извршен сличен напад со автомобил-бомба, во кој загина висок руски воен функционер.“