Во Собранието денеска седници ќе одржат Комисијата за политички систем и односи меѓу заедниците, Комисијата за здравство и Законодавно-правната комисија, на кои ќе се разгледуваат законски предлози од областа на правосудството и јавното здравје.
На дневен ред на Комисијата за политички систем и односи меѓу заедниците е јавна расправа за Предлог-законот за парничната постапка, кој се носи со европско знаменце.
Во меѓувреме, членовите на Комисијата за здравство и на Законодавно-правната комисија на одделни седници ќе расправаат за Предлог-законот за заштита од употреба на производи од тутун или сродни производи. Законското решение е во прво читање и исто така се предлага со европско знаменце.