Времето денеска ќе биде претежно сончево, со мала до умерена облачност во претпладневните часови. Попладне се очекува локален развој на нестабилна облачност, проследена со пороен дожд, грмежи и засилен ветер. На поединечни места ќе има услови и за појава на невреме со град.
Ќе дува слаб до умерен ветер од северен правец.
Според прогнозата на Управата за хидрометеоролошки работи (УХМР), утринските температури ќе се движат од 9 до 18 степени, додека дневните ќе достигнат од 22 до 33 степени Целзиусови.
Во Скопје ќе преовладува сончево време со мала до умерена облачност. Во одделни делови од котлината се можни краткотрајни врнежи од дожд, грмежи и засилен ветер. Температурата ќе се движи во интервал од 15 до 33 степени.
Од УХМР најавуваат дека и во текот на новата седмица ќе продолжи топлото време. Претпладневните часови ќе бидат претежно сончеви со умерена облачност, додека попладне ќе има услови за локална нестабилност со пороен дожд, грмежи и засилен ветер. Поради зголемената енергија во атмосферата, на одредени места се можни поинтензивни временски процеси, проследени со обилни врнежи, грмежи и изолирана појава на град.
Стабилизирање на времето се очекува од петок.