Турски трговски брод бил нападнат и потонат во северниот дел на Црното Море, при што едно лице го загуби животот, а уште четири се здобија со повреди, соопштија официјалните служби на турската крајбрежна стража.
Инцидентот се случил вчера во акваторијата западно од Севастопол на полуостровот Крим, каде што директно бил таргетиран и погоден бродот под име „Дуру 67“.
По нападот, петмина повредени морнари биле брзо евакуирани и спасени од екипажот на друг брод, „Бурак Каја“, но еден од нив им подлегнал на повредите за време на транспортот кон Турција.
Како што јавува новинската агенција Анадолија, преживеаните морнари веднаш биле пренесени во болница во главниот град на турската покраина Кастамону за укажување лекарска помош.
Локалните здравствени власти информираа дека евакуираните лица се надвор од животна опасност и дека претрпеле полесни повреди предизвикани од шрапнели. До овој момент ниту една страна нема преземено одговорност за нападот.