Тешка сообраќајна несреќа се случила во Софија, во близина на селото Челопечене, во која животот го загубија три лица, а уште 10 се здобија со повреди, од кои дури седуммина се во критична и тешка состојба.
Меѓу жртвите во оваа катастрофа се двајца патници од автобусот, мажи на возраст од 27 и 31 година, од кои едниот починал набрзо по приемот во болница. Третиот загинат, исто така маж, им подлегнал на повредите во болницата „Св. Анна“.
Според првичните информации и собраните докази од истрагата, главна причина за несреќата е енормната брзина со која се движеле два автомобили, која изнесувала над 150 километри на час.
Возачите на овие две возила во моментов се сметаат за директно одговорни за трагедијата, откако едниот од автомобилите странично удрил во автобусот што сообраќал на линијата 119 и целосно го превртел на страна.