Радослав Драгиевиќ (75) е ослободен од обвиненијата за помагање и непријавување на кривично дело во случајот со убиството на Данка Илиќ, откако Вишиот суд во Неготин донесе одлука за запирање на постапката против него. Судскиот совет процени дека обвинението нема доволно основи за да продолжи процесот.
Решението за ослободување се испраќа до неговите адвокати и до Вишото јавно обвинителство во Заечар. Неговиот правен застапник нема да реагира бидејќи исходот е во нивна корист, но обвинителството има законска можност во рок од три дена да поднесе жалба до Апелациониот суд во Ниш. Неофицијално, проценките се дека Апелација ќе го потврди ослободувањето, бидејќи и претходно биле упатени критики за издржаноста на обвинението против Радослав.
Во меѓувреме, главните осомничени за тешкото убиство на двегодишното девојче – неговиот син Дејан Драгиевиќ и соучесникот Срѓан Јанковиќ, остануваат зад решетки во притвор, каде го чекаат почетокот на судскиот процес кој со месеци го привлекува вниманието на регионалната јавност.