Авион на Кралските воздухопловни сили (RAF) во кој се наоѓал британскиот министер за одбрана Џон Хили претрпел сериозен прекин на навигацискиот систем додека летал во близина на руската граница.
Инцидентот се случил при неговото враќање од Естонија, а експертите веруваат дека зад електронското попречување стојат руските воени структури.
„Прекинот на GPS ги принуди пилотите да користат алтернативни системи за навигација за време на тричасовниот лет, објави Би-Би-Си. Инцидентот првпат го објави весникот „Тајмс“, објави 4news.mk Не е познато дали Хили бил директна цел, но весникот објави дека патеката на авионот била јавно видлива на веб-страниците за следење на летот.“
Оваа провокација се надоврзува на низата опасни маневри на руското воено воздухопловство, кои минатиот месец предизвикаа инцидент над Црното Море кога руски „Су-35“ се приближи на критична дистанца до британски извидувачки авион.
„Покрај тоа, Су-27 направи шест прелети пред британскиот авион, приближувајќи се на шест метри од неговиот нос… Министерството за одбрана ги опиша прелетите како најопасната руска акција од 2022 година, кога „нечесен“ руски пилот испали ракета кон авион „Ривет Џоинт“ над Црното Море.“
Хили јавно го пофали однесувањето на британскиот екипаж, нарекувајќи ги потезите на руските пилоти целосно неприфатливи.
Од британското Министерство за одбрана потсетуваат дека ова не е прв ваков случај, бидејќи во 2024 година на ист начин беше попречуван и авионот на тогашниот министер Грант Шапс.