Извештајот за капиталните инвестиции ја вжешти атмосферата во Советот на Град Скопје. Според Ѓорѓиевски, градот го бележи својот најдобар квартал во историјата. Во првите три месеци биле реализирани 335,75 милиони денари, поточно нешто над 18% од вкупно планираните капитални инвестиции.
„Трендот продолжува и во вториот квартал. Само во април беа реализирани капитални инвестиции во вредност од 464,45 милиони денари, што е највисока априлска реализација во историјата на градот. Заклучно со 8 мај 2026 година, реализацијата надминала 480 милиони денари, односно веќе се реализирани 26 проценти од планираните капитални инвестиции за целата година“, изјави Орце Ѓорѓиевски, градоначалник на Град Скопје.
Од опозициската Левица го обвинија дека завршува проекти, започнати од претходните власти.
„Вие само завршувате проекти, кој некој веќе ги почнал. Да се китите со други перја, некој што го почнал, а вие го завршувате по 10 години. Многу ве бранат градоначалик, се вознемири колешката“…Катерина Јовановска, советничка од Левица.
Критика на адресата на актуелното раководство, стигнаа и СДСМ. Обвинуваат дека контејнерите повторно се преполни и дека автобусите на ЈСП не се доволни.
-Се собираше два пати, сега еднаш Се откажуваат дека е преполн и нехигиенски.
-Сите ваши излагања докажуваат дека работиме, не критикувате.
Меѓу другото, со 33 гласа ЗА денеска беше донесена одлука за формирање на Советот за превенција од детско претстапништво кое во пракса собира низа експерти од областа и надлежните институции кои треба да кројат политики за да се намали девијатното однесување кај малолетниците.