Противпожарната бригада на Град Скопје отсега е посилна за уште едно современо специјално навално возило од производителот MAN. Новото возило е наменето за гаснење пожари во урбана средина, но и за сложени технички интервенции на терен.
Станува збор за опрема со врвни перформанси која вклучува цистерна од 6.000 литри и пумпа со нормален и висок притисок.
Возилото е опремено и со витло од 60 метри, како и со специјална монитор-млазница со далечинска контрола, наменета за справување со пожари со исклучително висок интензитет.
Од Град Скопје информираат дека оваа донација доаѓа од општествено одговорна компанија и е од огромно значење за ефикасноста на тимовите.
„Оваа вредна донација од општествено одговорна компанија значително ќе ги зајакне капацитетите на скопските пожарникари за брза, ефикасна и професионална интервенција на терен“, посочуваат од Град Скопје.
Воедно, градските власти најавуваат дека продолжуваат со инвестициите во модернизација на Противпожарната бригада со цел поголема безбедност на граѓаните и нивниот имот.