Утре, 12 мај, започнува првото полуфинале на Изборот за песна на Евровизија 2026, каде 15 натпреварувачи ќе се борат за влез во големото финале. Годинава, Европската дифузна унија воведе значајни измени во начинот на гласање кои директно влијаат врз крајниот резултат.
Една од клучните промени е зголемувањето на бројот на членови на националното жири од 5 на 7. Покрај ова, воведено е правило барем двајца членови да бидат на возраст од 18 до 25 години. Прифатливи занимања за жирито остануваат музички новинари, критичари, професори и креативни професионалци како кореографи и режисери.
Сите членови на жирито мора да потпишат документ за непристрасност. „Членовите на жирито мора да потпишат документ со кој потврдуваат дека ќе гласаат непристрасно и дека нема да се договараат со други членови на жирито, како и дека нема да споделуваат информации на социјалните мрежи“, се наведува во новите правила.
Промени има и за публиката. Од оваа година, со цел да се спречат малверзации, од еден телефонски број или една банкарска картичка може да се гласа максимално 10 пати, наместо досегашните 20.
Вечерва во 21 часот се одржува генералната проба, каде стручното жири веќе ќе ги додели своите поени врз основа на настапите, што ќе има директно влијание врз финалниот пласман на учесниците.