СВР Охрид постапува по пријава за наводно физичко малтретирање на малолетници во маркет во градот.
Според пријавеното, во саботата околу 17 часот децата биле фатени во обид да украдат чоколадно млеко, по што, како што навеле нивните родители, сопственикот на маркетот и едно женско лице физички ги нападнале и ги малтретирале.
Случајот во полиција го пријавиле три лица од Охрид, на возраст од 45, 45 и 35 години. Од СВР Охрид велат дека се преземаат мерки за целосно расчистување на настанот.