Градоначалникот на Скопје, Орце Ѓорѓиевски, денеска се приклучи на големата еколошка акција за чистење на главниот град. Тој порача дека иако службите работат со полн капацитет, одржувањето на хигиената зависи од секој поединец.
„Градот денес се чисти повеќе од кога било. Но, Скопје ќе биде уште почисто само ако ние, самите, го чуваме. Затоа, да покажеме дека го сакаме градот убав“, истакна Ѓорѓиевски.
Во акцијата, покрај градоначалникот, учествуваат илјадници граѓани, претставници на јавни институции и невладини организации.
„Денес, со неколку илјади волонтери, организации, јавни институции ја започнавме заедничката акција за почиста средина“, информираше првиот човек на градот.
Тој упати благодарност до сите вклучени страни, со посебен акцент на иницијативата „GENERALKA WEEKEND“.
„Искрени честитки за одличната организација на GENERALKA WEEKEND и благодарност до сите кои со својата посветеност, труд и одговорност секојдневно придонесуваат за заштита на животната средина и создавање почиста и поздрава иднина за сите граѓани. Да почнеме од себе. Да почнеме за Скопје!“, порача Ѓорѓиевски.