Сексуалното насилство и силувањата во Европската Унија бележат константен и загрижувачки раст во последната деценија, покажуваат најновите податоци на Евростат. Во 2024 година, во ЕУ се регистрирани рекордни 256.302 кривични дела поврзани со сексуално насилство, што е зголемување за 5% во однос на претходната година.
Во Македонија, бројот на евидентирани дела во 2024 година изнесува 131, од кои 31 се силувања. Иако бројката е за само еден случај поголема од 2023 година, долгорочната статистика покажува дека рекордот во земјава е забележан во 2013 година со 151 регистриран случај.
Трендови во Европа Анализата на последната деценија (2014-2024) открива фрапантни податоци: сексуалното насилство во ЕУ скокнало за 94%, додека бројот на силувања е зголемен за дури 150%. Експертите сметаат дека ваквиот раст може да се должи и на зголемената свест кај жртвите за пријавување на овие дела.
Најголем број случаи во апсолутни бројки се евидентирани во:
- Франција: 96.654
- Германија: 54.361
- Шведска: 21.207
Наспроти нив, најмалку вакви дела се евидентирани во Лихтенштајн (28) и Црна Гора (49).
Состојбата во регионот Македонија со 131 случај се наоѓа на средината во споредба со соседите. Најмногу регистрирани случаи има во Грција (1.250) и Хрватска (942), додека помалку од нас имаат Албанија (124) и Црна Гора (49).