ВЛЕН ја поздравува иницијативата за започнување на кампањата „Мај – Месец на Европа“, која има за цел процесот на европската интеграција да го приближи до граѓаните и да го направи поопиплив во секојдневниот живот, се наведува во соопштението од коалицијата.
„По тој повод, првиот заменик-премиер на Република Северна Македонија, Беким Сали, на состанок со амбасадори, меѓународни партнери и пријатели на земјата, истакна дека фокусот е насочен кон конкретните придобивки што ги носи Европската Унија, како што се повеќе можности за младите, развој на инфраструктурата и поддршка на локалната економија.
ВЛЕН оцени дека ваквиот пристап, насочен кон видливи резултати, претставува нов и неопходен чекор во европскиот пат на државата. Во текот на овој месец ќе бидат претставени и успешни приказни од проекти поддржани од ЕУ, кои го потврдуваат реалното влијание врз животот на граѓаните.
ВЛЕН нагласува дека Европа не е само политички процес, туку пред сè заедница на вредности, креативност и соработка меѓу луѓето. Поради тоа, активностите на „Месецот на Европа“ ќе бидат спроведени во различни општини, со цел процесот на интеграција да биде поблиску и поразбирлив за граѓаните.
ВЛЕН останува посветен дека патот кон Европската Унија треба да биде инклузивен процес, во кој институциите, граѓанското општество, универзитетите и бизнисот активно придонесуваат за европската иднина на државата.
ВЛЕН, со граѓаните, за европска иднина“, се вели во соопштението од ВЛЕН.