Американското Министерство за одбрана официјално ќе повлече 5.000 војници од Германија. Ваквата одлука доаѓа како директна последица на ескалацијата на спорот меѓу претседателот Доналд Трамп и германскиот канцелар Фридрих Мерц.
Главната точка на недоразбирање меѓу двајцата лидери е војната со Иран, прашање кое предизвика сериозни тензии во односите меѓу Вашингтон и Берлин.
Одлуката за редуцирање на военото присуство ја донел министерот за одбрана Пит Хегсет. Од Пентагон соопштија дека процесот на повлекување треба да биде завршен во период од шест до дванаесет месеци.
Трамп веќе јавно упати критики до Мерц, откако канцеларот ја оспори американската стратегија кон Иран. Американскиот претседател најави дека оваа мерка може да се прошири и во други европски земји.
„Најави дека размислува и за повлекување американски сили од Италија и Шпанија“, пренесуваат медиумите.
Во Германија моментално се стационирани над 36.000 американски војници. Со оваа бројка, земјата и понатаму останува најголемата воена база на САД на територијата на Европа.