Цените на нафтата на светските берзи денеска забележаа нагол пораст, при што нафтата од типот Брент ја надмина границата од 117 долари за барел. Главна причина за овој скок се зголемените геополитички тензии околу Ормутскиот теснец и стравот кај инвеститорите дека овој клучен транзитен премин може да остане затворен подолго време.
Според берзанските податоци, суровата нафта од типот WTI поскапе за 4,94 проценти на 104,774 долари, додека Брент порасна за 5,13 проценти, достигнувајќи 117,001 долари.
Тензиите дополнително се загреаја по објавата на американскиот претседател Доналд Трамп на социјалната мрежа Truth Social.
„Подобро е наскоро да се вразумат“, напиша Трамп упатувајќи порака до Техеран, придружена со контроверзна фотографија на која тој држи автоматска пушка со порака: „Нема повеќе господине фин човек“.
Дополнителен притисок врз пазарот изврши и најавата на „Волстрит џурнал“ дека САД ќе се обидат целосно да го блокираат иранскиот извоз на нафта преку нивните пристаништа, како и веста дека Обединетите Арапски Емирати одлучиле да го напуштат ОПЕК.