Првиот заменик на претседателот на Владата и министер за европски прашања, Беким Сали, учествуваше на 42-та седница на Советот за рамномерен регионален развој, која се одржа во Владата на Република Македонија.
На седницата беа разгледани и дискутирани важни одлуки поврзани со распределбата на финансиски средства за развојни проекти за 2026 година, вклучувајќи:
* развој на планинските региони,
* развој на руралните средини,
* развој на урбаните подрачја,
* како и поддршка на подрачјата со специфични развојни потреби.
Исто така, на дневен ред беше и разгледувањето на годишниот извештај за спроведувањето на планските документи за регионален развој, како и оценката на напредокот во имплементацијата на Стратегијата за регионален развој 2021–2031.
Министерот Сали истакна дека рамномерниот регионален развој е клучен елемент за економскиот и социјалниот напредок на државата, како и за приближување кон европските стандарди.
„Политиките за рамномерен регионален развој се од суштинско значење за зголемување на кохезијата, подобрување на квалитетот на живот на граѓаните и забрзување на европската интеграција,“ истакна Сали.