Во Собранието на Република Македонија денеска се одржуваат седници на две клучни тела – Комисијата за економски прашања, труд и енергетска политика и Законодавно-правната комисија. Пратениците ќе расправаат по повеќе предлог-закони, кои се ставени на дневен ред по скратена постапка.
Комисијата за економски прашања, труд и енергетска политика ќе одржи амандманска расправа по три законски измени:
- Предлог на закон за изменување и дополнување на Законот за минерални суровини;
- Предлог на закон за изменување и дополнување на Законот за концесии и јавно приватно партнерство;
- Предлог на закон за изменување и дополнување на Законот за јавните претпријатија.
Истовремено, пред членовите на Законодавно-правната комисија ќе се најде значајна новина – Предлог на закон за изменување и дополнување на Законот за пратениците, со кој се предлага пратениците да имаат само едно, македонско државјанство.
Покрај ова, оваа комисија ќе расправа и за измените на законите за концесии и јавно приватно партнерство, за минерални суровини, како и за јавните претпријатија, сите во рамките на скратена постапка.