Државниот завод за статистика информира за промени во потрошувачката на енергетски ресурси во февруари оваа година во споредба со истиот месец лани. Податоците покажуваат значителен пад кај потрошувачката на нафтените продукти и природниот гас.
Потрошувачката на нафтени продукти е намалена за 10,3 отсто, додека кај природниот гас е забележан пад од 16,5 отсто. Од статистиката појаснуваат дека намалувањето кај природниот гас е директен резултат на помалата активност на когенеративните постојки во земјава.
Во февруари 2026 година, потрошувачката на енергенси изнесуваше:
- Електрична енергија: 700 715 MWh
- Природен гас: 32,945 милиони нормални кубни метри
- Јаглен: 245 790 тони
- Нафтени продукти: 75 103 тони