Состојбата во Ормускиот Теснец достигна точка на вриење, откако претседателот Доналд Трамп упати директна и бескомпромисна наредба до американската морнарица: употреба на смртоносна сила против секое пловило за кое постои сомнеж дека поставува мини во овој витален воден пат.
Преку социјалната мрежа „Truth Social“, претседателот Трамп јасно ја пренесе својата одлука: „И наредив на американската морнарица да пука и да го потопи секој брод што поставува мини во водите на Ормускиот теснец. Нема колебање“.
Трамп додаде дека операциите за расчистување на мините, кои се веќе во тек, сега ќе продолжат со „тројно зголемено темпо“. Со ова, Вашингтон практично поставува нова „црвена линија“ за безбедноста на глобалната енергетска рута, преку која минува значаен дел од светската трговија со нафта.
Воената готовност е подигната на највисоко ниво, откако стравувањата дека регионалниот судир би можел да ја затвори рутата подолго од очекуваното станаа реална закана за светската економија.