Министерот за трговија и интеграции на Република Казахстан, Арман Шакалиев, денеска престојува во работна посета на Република Северна Македонија, соопшти Министерството за надворешни работи и надворешна трговија.
Во рамки на агендата е предвидена тет-а-тет средба на Шакалиев со неговиот македонски домаќин, министерот за надворешни работи и надворешна трговија, Тимчо Муцунски. По приватната средба, ќе следи пленарен состанок на двете официјални делегации, на кој ќе се разговара за билатералните односи меѓу Скопје и Астана.
Посебен акцент на разговорите ќе биде ставен на можностите за интензивирање на економската и трговската соработка. По официјалните разговори, министрите ќе одржат заедничка изјава за медиумите.