Јавното сообраќајно претпријатие (ЈСП) Скопје информира дека жичницата „Милениумски крст“ ќе биде надвор од функција во периодот од 21 април (вторник) до 24 април (петок).
Привремениот прекин на работата е планиран поради вршење контрола на системот од страна на стручни тимови од австриската фирма „Допелмаер“ (Doppelmayr).
Според најавите, жичницата ќе продолжи со непречено превезување на патниците во вообичаеното работно време почнувајќи од сабота, 25 април.