Апелациониот суд во Штип ја потврди одлуката – судијата Ѓоко Ристов останува во куќен притвор. Судот ја одби жалбата на одбраната, сметајќи дека сè уште постојат основи за задржување на оваа мерка против скопскиот апелациски судија, кој е под тешки обвиненија за корупција и перење пари.
Случајот го згрози јавноста кога во јануари 2026 година, истражните органи открија 350.000 евра во готовина, скриени во ѕидовите на куќата на неговите родители во Неготино.
„Парите биле пронајдени заѕидани, а судијата за нив немал никаков доказ за потекло, ниту пак ги пријавил во својот анкетен лист. Тој сега се товари за противправно стекнување и прикривање имот и за перење пари“, потсетуваат од судот.
Истрагата за Ристов се прошири по апсењето на адвокатот Фехми Стафа, кој веќе ја призна вината и е осуден на затворска казна за посредување во поткуп наменет токму за влијание врз судијата.