Американскиот претседател Доналд Трамп откри дека постигнал важен договор со кинескиот колега Шји Џјипинг во насока на деескалација на Блискиот Исток. Во интервју за „Фокс бизнис нетворк“, Трамп потврди дека преку лична кореспонденција побарал од Пекинг да запре секаква испорака на оружје за Техеран.
„Му испратив писмо со молба, а тој ми одговори во основа потврдувајќи дека нема да го прави тоа“, изјави Трамп, нагласувајќи го својот близок однос со кинескиот лидер пред неговата претстојна посета на Пекинг на 14 и 15 мај.