Украинскиот претседател Володимир Зеленски во последното телевизиско интервју упати директни пораки до американскиот претседател Доналд Трамп, обвинувајќи го дека неговата „неутралност“ всушност и помага на Москва. Според Зеленски, Трамп од самиот почеток нагласувал дека сака да остане „во средина“, што за Украина значи отсуство на вистинска поддршка.
„Ако САД дипломатски седат меѓу две столчиња и водат само благ дијалог со Русите, тогаш тие не се плашат“, дециден е Зеленски, додавајќи дека пораките што доаѓаат од Трамп се поповолни за Русија отколку за неговата земја.