Покрај денешната поделба на оброци за социјално загрозените лица, градоначалникот на Град Скопје Орце Ѓорѓиевски информираше и за долгорочните мерки што ги презема за ресоцијализација на бездомниците. Од почетокот на неговиот мандат, десетина лица кои биле без свој дом веќе се вработени и го решиле своето станбено прашање.
Вработените лица веќе го пронајдоа својот мир и добија шанса за нов живот.
„Како градоначалник, но пред сѐ како човек, ќе го дадам и последниот атом од себе за да обезбедиме подобри услови за сите, за да има што помалку вакви судбини и што повеќе достоинствени животи.
Секој човек заслужува достоинствен празник.
А јас, заедно со мојот тим, секогаш ќе бидеме тука да подадеме рака, да донесеме надеж и што повеќе насмевки и среќа.
Да сте ми здрави и живи!“, порача Ѓорѓиевски во својата празнична објава.