По повод Меѓународниот ден на Ромите, денеска во општина Шуто Оризари беше одбележан значаен напредок преку реализација на конкретни инфраструктурни проекти.
Во присуство на премиерот Христијан Мицкоски, градоначалникот на Град Скопје Орце Ѓорѓиевски, градоначалникот на Шуто Оризари Курто Дудуш и владини претставници, беше извршена посета на улицата „Брсјачка Буна“, која е во фаза на целосна реконструкција.
Во рамки на инвестицискиот циклус, во тек е обнова на водоводната и канализациската мрежа, како и реконструкција на улици, со што се опфаќа значителен дел од инфраструктурата во општината. Надлежните истакнаа дека Шуто Оризари добива засилен институционален фокус, со цел подобрување на условите за живот и решавање на долгогодишните инфраструктурни предизвици.
Беше потенцирана заложбата за континуирано унапредување на социо-економскиот статус на ромската заедница и обезбедување еднакви можности за сите граѓани.