Љубителите на природата кои планираа денешниот ден да го поминат на Водно, ќе мора да ги променат плановите. Од ЈСП Скопје известуваат дека Жичницата денеска (08.04.2026) е надвор од функција поради засилениот северен ветер кој дува во скопската котлина.
Од претпријатието појаснуваат дека јачината на ветерот во моментов ги надминува сите дозволени безбедносни граници за непречено функционирање на објектот.
„Безбедноста на патниците е на прво место. Жичницата нема да работи сè додека временските услови не се стабилизираат“, соопштуваат од ЈСП.
Службите се на терен и ја следат состојбата, а штом ветерот стивне, превозот на патници кон Милениумскиот крст ќе продолжи.