Писателката Ксенија Николова денеска стана магистер по вторпат. Информацијата ја сподели на социјалните мрежи.
„Денес официјално го одбранив мојот магистерски труд и ги заокружив моите втори магистерски студии на Факултетот за политички науки и дипломатија, со што се стекнав со академски назив, магистер по политички науки – меѓународна политика и дипломатија. Темата која ја одбрав за истражување е „Предизвиците и бариерите со кои се соочуваат жените во политичките лидерски улоги и влијанието на културолошкиот фактор”. Оваа тема длабоко ме интересираше поради повеќе причини, првенствено, поради дејствувањето на моето здружение и менторството преку кое работам со жените и им помагам да се запознаат подобро со помош на креативни концепти, како контент креатор чија публика се над 80% жени, но истовремено и како авторка која пишува за животот и се нурнува во многу општествени теми, а особено во оние кои се дел од реалната димензија на тоа што значи да се биде жена“, напиша писателката на социјалните мрежи.
Дополнува дека за потребите на овој труд, решила да ја истражам темата што е можно подлабоко.
„Па освен што се посветив на теоретскиот дел, се радувам што успеав да придонесам и со примарни податоци прибрани преку направени интервјуа со жени политичарки од разни политички патишта, од Македонија и од други земји. Им благодарам на прекрасните и инспиративни жени кои дадоа свој придонес и споделија со мене лични искуства од нивните политички кариери.
Знаете, оваа тема е многу комплексна и потребни се постојани истражувања, разговори, анализи, но сметам дека на овој начин барем малку ја отвораме кутијата на вистината и полека се соочуваме со реалноста, а реалноста е дека културолошкиот фактор е двигател на секоја општествена промена, законските измени се само механизми за кои доколку културолошки не сме подготвени, ќе танцуваат на површината без трансформација.
Крајно, посакувам да сфатиме дека иднината им припаѓа на визионерите и дека еден ден ќе зборуваме за лидери, а не за мажи и жени и дека стереотипите треба да се напуштаат и да се искоренуваат, во општеството, но пред сѐ во домот. Светот останува на новите хоризонти зад урнатите бариери, широки видици, широка иднина.
Огромна благодарност до мојата менторка професорката @a.s.donchevski која ме охрабрува да се стремам кон што повисоко“, стои во објавата на писателката..