Четворицата астронаути на мисијата „Артемис 2“ официјално стигнаа до точката каде гравитацијата на Месечината има посилно влијание врз нивното летало отколку Земјата, соопшти НАСА. Екипажот, составен од Виктор Гловер, Кристина Кох, Рид Вајзман и Џереми Хансен, се првите луѓе по повеќе од половина век кои патуваат кон Земјиниот сателит.
Мисијата започна во средата со лансирање на капсулата „Орион“ од Флорида, а по напуштањето на Земјината орбита, леталото се движи по специфична патека во форма на бројот осум.
Се очекува астронаутите да постават нов рекорд за оддалеченост од Земјата, надминувајќи го претходниот рекорд на „Аполо 13“.
„Екипажот сега треба да лета околу Месечината и во петок се очекува да се спушти во морето назад на Земјата. Во следните неколку часа, се очекува вселенското летало да се приближи најблиску до Месечината. Оттаму, астронаутите ќе можат да ја видат Земјата и Месечината истовремено“, пренесува ДПА.
Доколку сè оди според планот, тие ќе бидат сведоци и на ретко затемнување на Сонцето од перспективната на нивната капсула, пред да започнат со маневрите за враќање дома.