Во Берово утрово се измерени -2 степени, додека на Попова Шапка температурата била 0 степени. Најтопло утро е регистрирано во Гевгелија со 12 степени, а во Скопје се измерени 7 степени.
Денеска времето ќе биде претежно сончево, со мала до умерена локална облачност. Ќе дува слаб до умерен ветер, главно од северозападен правец. Максималната температура ќе се движи од 18 до 25 степени.
Во Скопје се очекува сончево време со мала до умерена облачност и слаб ветер од променлив правец. Температурата ќе достигне до 23 степени.