Поради обилните дождови, водата за пиење во Кавадарци и Неготино е заматена и се препорачува нејзино превривање пред употреба, информираа од јавните комунални претпријатија во двете општини.
Од ЈП „Комуналец“ Кавадарци соопштија дека заматувањето е резултат на зголемен доток на вода од изворите Лукар и апелираа граѓаните да ја превриваат водата пред консумирање. Оттаму додаваат дека состојбата се следи и јавноста ќе биде навремено известена кога ќе дојде до нормализација.
Исто предупредување упатија и од ЈП „Комуналец“ Неготино, од каде исто така препорачуваат водата за пиење да се преврива до стабилизирање на состојбата.