Русија испрати децидна порака до светот – нема нафта за оние кои играат по правилата на Западот. Заменик-министерот за надворешни работи, Андреј Руденко, потврди дека Москва нема да испорачува енергенси на земјите што воведоа ограничување на цените, нарекувајќи ги таквите мерки „антипазарни и провокативни“.
Иако Вашингтон привремено ги олабави санкциите за да го спаси пазарот по хаосот во Персискиот Залив, Кремљ останува на својот став – одлуките за испорака ќе зависат исклучиво од политичките односи со секоја земја поединечно.
„Нема да продаваме нафта на земјите што воведуваат вештачки ограничувања. Јапонија и останатите членки на Г7 кои ја поддржаа оваа мерка, сами предизвикуваат нарушувања во снабдувањето“, дециден е Руденко.