Хрватските спасувачки служби во моментов водат битка со времето за да спасат десетици луѓе, најверојатно мигранти, заглавени во непристапниот и мочурлив терен на реката Сава, меѓу местата Штитар и Бабина Греда. Министерот за внатрешни работи, Давор Божиновиќ, потврди дека се ангажирани сите расположливи сили – од полиција и дронови, до нуркачи и термовизиски камери.
Теренот е исклучително тежок, а видливоста е минимална, што дополнително ја отежнува работата на хероите на теренот.
„Ангажирани се практично сите сили. Теренот е непристапен, а иако се слушаат гласови, постои реална опасност да има и жртви“, изјави загрижено министерот Божиновиќ.