Руското Министерство за одбрана рано утрово ја потврди црната вест – сите 29 лица кои се наоѓале во воениот авион „Ан-26“ загинале при падот на леталото над полуостровот Крим. Спасувачките екипи кои стигнале до местото на несреќата известиле за застрашувачка глетка, потврдувајќи ја смртта на шестчлениот екипаж и 23 патници.
Контактот со авионот бил изгубен уште вчера попладне, по што започнала опсежна потрага која заврши со трагичен исход.
„Тимот за пребарување го пронајде местото на несреќата. За жал, нема преживеани меѓу патниците и екипажот. Министерството не дава дополнителни детали за крајната дестинација на летот“, пренесуваат државните агенции.