Под мотото „Интегритет, реформи, правда“, Јавното обвинителство на Република Северна Македонија и Здружението на јавните обвинители организираат свечен настан по повод 31 Март – Денот на правосудството.
На настанот, кој ќе се одржи во зградата на ЈОРСМ, воведни обраќања, според најавите, ќе имаат новиот јавен обвинител на Република Северна Македонија, Ненад Савески, заменик-претседателката на Советот на јавните обвинители, Марјана Илиеска, како и претседателот на Здружението на јавните обвинители, Елвин Вели.
Во рамки на настанот, Здружението ќе ја презентира програмата и планираните активности за 2026 година.
Предвиден е и дел за дискусија, размена на предлози и сугестии, како и доделување благодарници.