Јавното претпријатие „Македонијапат“ информира дека утрово во Стојмирово има врнежи од снег со дожд, но тие не се задржуваат на коловозот.
На останатите државни патишта низ земјата, сообраќајот се одвива непречено, иако на одредени делници коловозите се наместа влажни.
Сите патни правци се проодни, но од „Македонијапат“ апелираат на внимателно возење, особено на патиштата што минуваат низ клисури, каде што постои можност за појава на поситни одрони.
Според најавите на синоптичарите, денеска времето ќе биде променливо облачно со локални врнежи од дожд со послаб интензитет, како и услови за ретки и изолирани грмежи.
На повисоките места врнежите ќе бидат од дожд и снег, додека на планините ќе паѓа снег. Ќе дува слаб до умерен ветер од северен правец, кој ќе биде поизразен долж Повардарието.
Максималната дневна температура ќе се движи од 8 до 16 степени. Во Скопје се очекува слично време, со температура до 12 степен