Денеска не очекува облачно време со повремени локални врнежи од дожд. Според метеоролозите, на одредени места врнежите ќе бидат пообилни, со количество над 20 $l/m^2$, а постојат услови и за појава на ретки грмежи.
Промената на времето ќе донесе снег на планините каде ќе се формира нова снежна покривка, додека на повисоките места дождот повремено ќе преминува во снег. Ќе дува слаб до умерен ветер од променлив правец. Температурите ќе се движат од 2 до 8 степени во утринските часови, додека максималните дневни ќе достигнат до 15 степени.
Во Скопје времето ќе биде слично – облачно со дожд и услови за грмежи во делови од котлината. Температурата во главниот град ќе се движи од 5 до 13 степени.
Од Управата за хидрометеоролошки работи (УХМР) најавуваат продолжување на променливото време и за викендот:
„За време на викендот ќе биде посвежо со повремени врнежи со послаб интензитет. Во сабота ќе има услови за изолирана појава на ретки грмежи, а на некои од повисоките места врнежите ќе бидат од дожд и снег, додека на планините ќе врне снег.“
За време на викендот ќе дува умерен до засилен северен ветер, особено долж Повардарието. По краткото стабилизирање во понеделник, нов бран врнежи се очекува веќе од вторник.