Иранската мисија при Обединетите нации соопшти дека Техеран официјално ги олеснува регулативите за минување низ стратешкиот Ормутски Теснец. Според новата одлука, пловилата кои не се класифицирани како непријателски и не учествуваат во воени операции против Иран ќе имаат дозвола за премин.
Во соопштението се истакнува дека бродовите ќе бидат обврзани да ги почитуваат иранските безбедносни протоколи и да ја усогласуваат својата навигација со овластените служби.
Ормускиот Теснец се смета за критична точка во тековниот конфликт помеѓу САД, Израел и Иран. Техеран во повеќе наврати преземаше акции против бродови во овој воден пат, со што практично го загрози протокот на една од главните артерии за глобалната испорака на енергенси.
Овој тесен морски премин, лоциран помеѓу Иран и Оман, претставува единствената директна врска помеѓу Персискиот Залив и светските океани. Низ оваа рута вообичаено се транспортираат околу 20% од вкупните светски резерви на нафта.