Словенија од денеска се соочува со драстично поскапување на нафтените деривати, откако владата во Љубљана ги објави новите, значително повисоки цени. И покрај тоа што акцизите беа намалени на историски минимум, цената на дизелот скокна за речиси 17 центи, достигнувајќи 1,696 евра, додека бензинот се тргува за 1,581 евра по литар.
Ситуацијата е толку критична што владата мораше да преземе вонредни мерки за да спречи колапс на снабдувањето. Поради сериозниот недостиг, активирана е помош од армијата и Министерството за одбрана за да се обезбеди гориво за земјоделците и населението.
„Ова е последица на хаосот на светските берзи и конфликтот на Блискиот Исток. Моравме да реагираме со суспендирање на еколошките даноци за да го ублажиме ударот врз граѓаните“, соопштуваат од словенечката влада.