Македонскиот институт за медиуми (МИМ) денеска ќе ги додели новинарските награди „Никола Младенов 2025“.
На настанот ќе бидат врачени прва, втора и трета награда за најдобра истражувачка сторија. На годинашниот конкурс, кој беше објавен на 27 јануари и траеше до 17 февруари, пристигнале 42 стории, обработени во вкупно 122 текстови и видео прилози.
Од МИМ информираат дека по повод 25-годишнината од доделувањето на наградите, на почетокот ќе се одржи панел-дискусија со новинари-истражувачи, кои ќе споделат искуства и ќе говорат за предизвиците во професијата.
Наградите за најдобра истражувачка сторија МИМ традиционално ги доделува од 2001 година, а од 2013 година тие го носат името на истакнатиот новинар Никола Младенов.