Американскиот претседател Доналд Трамп денеска предизвика земјотрес во светската дипломатија, тврдејќи дека Техеран е подготвен да го предаде својот нуклеарен материјал на САД. Во изјава која ги подгреа надежите за смирување на тензиите на Блискиот Исток, Трамп истакна дека целта е целосна елиминација на секаква можност за нуклеарно оружје во регионот.
„Не сакаме нуклеарно оружје таму. Сакаме нуклеарна прашина – тоа е она што го бараме и мислам дека ќе го добиеме. Веќе се согласивме за тоа“, порача Трамп, користејќи го својот специфичен термин за нуклеарниот материјал.
Според него, овој историски договор нема да биде добар само за САД и Иран, туку и за Израел, Саудиска Арабија и останатите сојузници во Заливот.