Опозициската СДСМ денеска упати сериозни обвинувања до претседателот на Советот на Народната банка, Трајко Славески, тврдејќи дека тој свесно и незаконски ја блокира постапката за избор на нови вицегувернери. Портпаролката Богданка Кузеска обелодени дека мандатот на двете вицегувернерки е истечен уште од минатата година, а законскиот рок за нов избор (22 декември 2025) е одамна поминат.
Според СДСМ, со ова директно се прекршува Член 55 од Законот за Народна банка, со што се доведува во прашање легитимитетот на одлуките на оваа клучна институција.
„Дали Славески намерно ја кочи постапката за да протне партиски кадри? Народната банка е место за професионалци, а не за партиските пиони на Славески. Бараме итна истрага зошто клучни позиции во НБМ се празни и кој ќе сноси одговорност ако се наруши финансиската стабилност на државата“, изјави Кузеска.