Обидот на босанските транспортери за масовна блокада на граничните премини со Хрватска денеска се соочи со силен отпор од безбедносните сили. Иако Конзорциумот „Логистика БиХ“ повика на тотален прекин на товарниот сообраќај, полицијата на Република Српска и неколку кантони во Федерацијата експресно ги забранија протестите за да спречат хаос во транспортот на стоки.
Главниот координатор на протестот, Велибор Пеулиќ, потврди дека возачите се соочиле со сериозни проблеми при обидот да ги паркираат камионите.
„Успеавме да го блокираме само граничниот премин Свилај. На другите локации полицијата едноставно не ни дозволи да пристапиме. Ова е борба за нашиот опстанок, но институциите наместо поддршка, ни праќаат специјалци“, изјави Пеулиќ за локалните медиуми.